Raden Werkudara
Werkudara iku
putra Pandhu Dewanata lan Dewi Kunthi, kang nomer loro. Werkudara uga dadi
panenggaking pandhawa. Nalika lair kabuntel bungkus, kebuntel ari-arine bayi.
Kaelokaning
jagad, bayi kang isih bungkus iku pranyata madal sakathahing gegaman. Manut
pamawase Begawan Abiyasa si jabang bayi bungkus supaya kasingkirake menyang
Setra Gandamayit. Dene para sesepuh ngastina padha sarujuk. Sabanjure, jabang
bayi bungkus kaleksanan dedunung ing alas. Bayi bungkus saya suwe saya gedhe.
Yen ngglundhung ngiwa nanggor wit gedhe, wite apik sanalika. Yen ngglundhung
natap watu, watune pecah ambyar sanalika.
Kedadeyan iki
ndayani lan mrebawani nganti tumekaning kahyangan. Bathara Guru dawuh marang
Bathara Narada supaya turun ing ngarcapada niti priksa anane gara-gara ing
kahyangan. Tindake gegancangan enggala tekan alas Setra Gandamayit. Ing kono
meruhi ono bayi bungkus glundhang-glundhung, ngiwo nengen nrajang apa bae ajur
mumur tan mangga puliha. Bathara Narada dawuh Gajah Sena supaya mrawasa bungkus
kuwi.
Bungkus ditujes
nanggo gadhinge kang lincip mingis-mingis ora preduli dadine mengkono. Bareng
gadhing tumancep, sakala bungkus pecah byak sigar dadi loro. Bebarengan karo
pecahe bungkus, Gajah Sena sanalika musna.
Ora gantalan
suwe mak jleg ana pawongan gung aluhur, godheg wok, simbar jaja anjenggereng
ngedab-edabi, karop gereng-gereng swarane, gumleger nggegirisi. Kukune ing
jempol tangan kekarone malihane gadhinge Gajah Sena kang sabanjure diarani kuku
Pancanaka. Bathara Narada enggal nemoni lan manembarama marang pawongan gedhe
dhuwur, paring andharan yen sing nulungi bungkus iya Hyang Narada jalaran
dinuta Hyang Guru. Dene pawongan kaparingan jeneng Bratasena iya Werkudara, iya
Bima Sena.
Bathara Narada
banjur paring katrangan urut-urutaning lelakoning Bratasena. Durung rampung
anggone paring dhawuh, gumrojog tanpa larapan, rawuhe Bathara Bayu sumusul
Bathara Narada atur katrangan dinuta Hyang Guru angaku putra lan maringi
piandel arupa aji marang Bratasena, kanga ran aji Katuglindhu. Dayane yen diwatek
bisa mlaku banter banget pindhane angin. Gandheng wis diaku putra, mula
Bratasena agu aran Bayuputra.
Durung rampung
anggone imbal wacana dewa loro lan Bratasena, kasusul sowane kawula Ngastina
kautus Prabu Pandhudewanata.
Sabanjure utusan
kadhawuhan bali menyang Ngastina klaro ndherekake Bayuputra, dene dewa lelorone
bakal kondur menyang Kahyangan.
Bratasena
nerusake lakune. Satekane praja, dheweke kapapag para nayaka praja banjur
kalarapake ngadhep Pandhu Dewanata. Tekane Bratasena ndadekake renaming
Panggalihe Prabu Pandhu Dewanata.
Pretelan-pretelan
ing ngisor iki bener opo salah
1. Werkudara
iku golongane Pandawa. (B/S)
2. Werkudara
iku putrane Raden Dewanata lan Dewi Jombowati. (B/S)
3. Werekudara
iku putra nomer telu. (B/S)
4. Werkudara
iku satriya ing Jodhipati. (B/S)
5. Werkudara
nalika lair kebungkus godhong. (B/S)
6. Werkudara
kasingkirake menyang alas. (B/S)
7. Kukune
Werkudara arane kuku Pancanaka. (B/S)
8. Seng
nulungi bayi bungkus iku Bhatara Guru. (B/S)
9. Bratasena
uga diarani Bhatara Indra. (B/S)
10. Bayi
bungkus ditujes Gajah Sena nganggo gadhinge. (B/S)
Langganan:
Posting Komentar (Atom)
Posting Komentar